政情：海關義工隊機場助抗疫 鄧以海：非常自豪

表現紀律部隊專業精神

代表海關去機場嘅人員，都係嚟自部門唔同單位，屬於義工隊成員。鄧以海話即使知道今次工作有衞生風險，但佢哋都自願去機場幫手，「真係非常難得！」之後聽到海關人員話今次工作主要喺機場分兩更輪班，全部都有口罩、面罩、手套同消毒搓手液，一應俱全。

鄧以海多謝同事無私參與，尤其依家疫情嚴峻期間，仲為返港旅客同市民提供檢疫服務，表現到紀律部隊不畏困難同承擔一切嘅專業精神喎。