個人資料私隱專員黃繼兒任期於今年八月屆滿，政府尋日公開招聘繼任人。不過，個人資料私隱專員公署一直被質疑職權不足，欠缺調查同檢控權，已淪為「冇牙老虎」。雖然黃喺任內都曾經提及呢個問題，佢自己亦都想推動政府擴大私隱專員職權，但可惜到其任期即將屆滿，都仍然未達成。查實一日唔解決私隱專員權力不足呢個根本問題，就算換新人上場，都只係換湯不換藥，「冇牙老虎」呢個名字只會繼續傳畀下任私隱專員。
