政情：公民講場：冇電腦變相停學 政府賴低清貧生

疫情未受控，教育局話四月二十日前唔會復課，但停課不停學，學生喺屋企透過互聯網上課。然而當局完全冇諗過班清貧學生係冇書枱，甚至連電腦都冇，依家已停課超過一個月，變咗停課兼停學，呢種情況仲會持續逾一個月，學習進度大受影響，令家長同學生都好困擾。呢班學生乜嘢配套設備都冇，好明顯係局長楊潤雄嘅疏忽，呢個問題要快啲解決，令學生可以追落後。