新冠肺炎疫情持續，低收入人士與獨居長者或需減少外出，變相在家「自我隔離」。一班志同道合的太極師傅留意到弱勢社群缺乏運動機會，於是決定拍攝一系列太極教學短片，讓有需要人士在家中練習，達致強身健體、減低感染病毒機會。

「好多人都誤解咗，以為太極好文靜，其實太極都有好多招式要舞刀弄槍，但係今次目的係想畀留喺屋企嘅人學，所以揀咗一啲氣功類嘅套路嚟示範。」採訪當日正值「太極聯盟義工隊」拍攝教學短片，其中一位義工蕭煒彬師傅率先示範其自創的「太極煉丹功」，其重點在於控制呼吸，「平時我哋呼吸只吸到肺嘅上半部分，其實稍加練習，我哋係可以用埋下半部，郁動到橫膈膜同埋腸部，令身體內嘅器官都『運動』。」

師承吳派鄭式太極、本身有數十年太極「底子」的蕭師傅認為，被困家中的弱勢社群不乏行動不便的老人家及輪椅使用者，故義工隊特意聯同兩位製作人挑選及拍攝《家居強身運動系列》，包括《太極拳行功心法》及《太極煉丹功》共七條短片，「全部都係坐喺度就練得，易學易做，只要控制呼吸，配合上肢照住片段所示範嘅動作練習，就可以增強抵抗力。」

蕭師傅坦言，其實無論是否面對疫情，市民都應養成運動習慣，「好多病痛其實都係一個人嘅生活習慣出咗問題而累積番嚟，其實係可以避免。」蕭師傅舉例指，都市人長時間玩手機容易令頸椎和腰椎出現痛症，除了應減少使用，勤於練習太極套路亦可大大改善情況。

「今次好多謝一班專業嘅導演同攝影師幫忙拍攝同埋做後期製作，非常期待短片出嚟嘅效果。」蕭師傅指，為方便聽障或不諳粵語人士，七輯短片均會配上中文字幕，隨後會上載至不同的網上社交平台，或供人透過手機下載，讓他們隨時隨地都可以練習。

圖：甘偉倫

文：陳名仲