選舉管理委員會尋日發表最新立法會選舉活動建議指引，當中建議修改「候選人」定義，主席馮驊話一公開宣布有意參選，就開始計選舉開支。點解要改？話說民建聯副主席陳學鋒當年曾向黨內表達參選意願、但從冇宣布出選，竟收到選舉事務處通知，要求佢申報選舉開支，話佢已符合「候選人」身份，而因定義模糊惹起爭議，外界鬧爆處方矯枉過正。擺明係馮驊知衰，所以改喇！
