綠色先鋒：口罩恐污染水源 危害野生動物
山火會大幅度破壞林木，綠色和平項目主任伍漢林指，發現山野有不少易燃垃圾，例如大量煙頭、膠樽，一旦發生山火，可能會成為助燃品。而近期山徑常見的口罩，亦屬塑膠製品，有機會令火勢加劇，蔓延得更快。伍更指口罩會成為微膠粒，或會被野生動物誤食，甚至會污染水源。
自備垃圾袋 避帶即棄包裝
「我哋仲見到好多食物殘渣、生果皮，好多人以為呢啲可以分解，對大自然冇害，所以亂咁丟，但其實係分解唔到。就算有啲垃圾可以分解到，都要需時幾十年，所以垃圾都應該自己帶走。」伍建議，市民行山時要做好源頭減廢，避免帶即棄包裝的食物及飲品，並自備垃圾袋。
在清理活動期間，綠色和平主動向市民宣揚「行山抗疫不留痕」的訊息。行山客李生及李太則表示，近日曾目擊有人在山上亂拋垃圾，形容他們「好冇公德心，搞到香港咁污糟」，更承諾自己不會留低垃圾。