綠色先鋒：教材上網照住砌 享親子樂趣
新冠肺炎期間，親子工作坊等活動取消，Paul無法在現場親自指導小朋友製作玩具，於是準備不同教材，家長可安在家中與子女合作製作扭蛋機、糖果機及電動坦克車等，「好似呢個糖果機，我哋會提供所需嘅紙盒同紙板，而且係剪好晒，小朋友只需要跟住我哋嘅網上教學短片砌就得，但裝糖用嘅膠樽就要小朋友自己提供。」
重新組裝 舊玩具重生
「再生玩具店」裏有不少二手玩具，甚至是快餐店及便利店推出的系列玩具。他表示，除了利用廢物自製玩具外，其實「玩厭」或者已破爛的玩具，只要發揮創造力，重新組裝，亦可設計出新玩具。
「回收返嚟嘅玩具如果係有價值，我哋會諗吓點樣先可以令到呢啲玩具重新玩得番、用得番。」比如快餐店贈送的玩具，Paul會收集起來，製成足球機裏的球員，或者將一些回收玩具重新造成水晶球，「咁樣玩具會變得更得意、更好玩。」