屯門公園噪音同市容問題擾攘多年，民政事務局終於喺舊年四月建議修例，趕絕班大媽喺嗰度賣唱，但當局講咗當做咗，網民過去發起過幾次光復行動都爆發激烈嘅衝突，尋日網民又發起光復行動，好彩尚算平靜。其實，修例建議已被人鬧爆收效小，但小好過冇，事關一日唔修例，同類爭拗將不斷重演，究竟局長劉江華係咪有心解決呢個深層次問題？等到民憤爆發先嚟補鑊就太遲喇！
