政情：唔怕「孭債」 譚健業又借九億

譚健業話能夠借到幾多並非重點，重要嘅係有借有還嘅概念下，觀音就梗係要保住個債仔喇，觀音借庫實則係求保佑。雖然略帶迷信成分，但客觀效果確係令人自我感覺良好，心安理得咁去面對新一年，尤其今年遇上疫情困擾，前景充滿陰霾，就更有藉着借庫以建立正能量嘅必要。

佢仲話必須喺每年正月之前償還「債務」，來年先可繼續借庫。而還庫就可按經濟能力，選擇「足額」或「部分」，其實兩者嘅分別只係花費於元寶蠟燭孰多孰少，只要唔好「走數」，佢相信觀音大士都會通融嘅。