雖然涉及三百億元嘅防疫抗疫基金已啟動，然而無論飲食、旅遊等業界仍係怨聲載道，批評政府嘅援助措施嚟得太遲，而支援亦都唔係全方位，派錢亦唔多，顧得舖租嚟就出唔到糧，咁搞法都係等執笠，有倒閉潮就會有失業潮，失業率只會不斷升高，湧現失業大軍。呢個政府做乜都慢幾十拍，救得遲，又畀得少，商務及經濟發展局局長邱騰華同勞工及福利局局長羅致光，應該再加大力度救亡，唔係又要踢先識郁呀？
