新冠肺炎疫情影響下湖北各個省市相繼「封城」，惟目前仍有逾二千二百名港人滯留當地。港府近日就因未有安排接當地港人回港而捱轟，但政制及內地事務局局長聶德權竟然話，因本港檢疫中心已近飽和，要另覓地方，等相關設施準備就緒，先會安排滯留人士返港，真係話之港人死咁。有議員隨即鬧爆政府拖泥帶水。疫情爆發至今超過半個月，滯留湖北港人部分面對斷水斷糧，處於水深火熱，但班高官就至今都未諗到解決方法，尸位素餐，真係抵鬧！
