財政司司長陳茂波（波叔）會喺本月二十六日公布新一份財政預算案，而財務委員會將喺四月三日、六日至九日舉行特別會議審核開支預算。委員最遲要喺三月四日午夜十二點之前將書面問題交畀秘書處。不過，因為新冠疫情蔓延，今年取消咗教委員點用網上系統交問題（Q）嘅簡介會。唔通都係唔想咁多人聚集？
同往年一樣，委員都係透過互聯網應用系統，簡稱QIS，將所有書面問題提交秘書處。不過因為最近新冠肺炎肆虐，本身往年會有嘅QIS簡介會將會取消，改為Email教班委員同佢哋嘅助理了解審核開支預算嘅流程，以及點樣透過QIS草擬同提交問題。
其實，班議員每年會就新一份預算案提交大堆問題，搞到政府當局經常牙痛咁聲，唔知今次邊個議員會做Q王或者Q后呢？即係最多問題嘅議員呀！遲啲就知道嘞！