受到新冠肺炎疫情影響，政制及內地事務局話收到逾千宗喺湖北省嘅港人求助個案，涉及逾二千名分布喺該省超過三十個城市嘅人士。究竟幾時接佢哋返嚟？當局話要考慮好多嘢，包括點樣確保佢哋喺回港途中唔會互相感染，同埋回港後嘅檢疫安排等等。咁到底要考慮幾耐？之但係局方冇講。咁即係點？唔通要呢班滯留喺湖北省嘅港人日日喺度望天打卦，要佢哋等運到？唔該局長聶德權咪再猶疑，快啲諗方法接佢哋返嚟喇！
