政府因應新冠肺炎，計劃徵用美孚翠雅山房作為隔離營，但就遭到附近居民反對，指隔離營太近民居、政府又冇做過任何諮詢咁話。一班居民尋日就舉行居民大會，仲邀請埋食物及衞生局副局長徐德義出席聽居民意見，不過徐就冇蒲頭，結果現場得番張空櫈同徐嘅名牌，一眾居民同議員都炮轟徐不負責任。唔知徐係有要事分身不暇、怕咗居民群情洶湧定係驚去到人多地方容易中招，搞到自己要接受隔離呢？
