中環出更：無視疫情密會李漢奸 漢奸黎寓所又攪局
新冠肺炎殺到香港，確診人數持續增加，人心惶惶下個個都減少外出同埋聚會。不過被內地官媒炮轟為「叛國禍港四人幫」之首嘅「漢奸黎」壹傳媒黎智英似乎就懶理疫情嚴峻，由外地返回本港後，尋日中午就喺其寓所攪局，密會同為「叛國禍港四人幫」成員、有「李漢奸」之稱嘅民主黨（白鴿黨）創黨主席李柱銘、因違法佔領行動（佔中）案被判囚八個月、但緩刑兩年嘅白鴿黨前主席李永達等。睇嚟漢奸黎真係唔識死喇。
漢奸黎本月二日先喺香港國際機場搭飛機離港，日前返抵本港後，尋日就喺其何文田嘅寓所攪局喇。
另邀5人 李漢奸冇戴罩
中午十二時許，李漢奸、李永達、有「AV仁」之稱嘅白鴿黨前主席何俊仁、該黨立法會議員林卓廷、因違法佔中案被判囚八個月嘅社民連副主席黃浩銘，同埋曾將漢奸黎嘅秘密捐款「袋住先」長達九個月嘅工黨前立法會議員李卓人，一行六人就乘坐由漢奸黎司機駕駛嘅七人車抵達黎宅。眾人都有戴上口罩，抵達後就匆忙落車，步入黎宅。
李漢奸等人喺黎宅逗留咗約三個小時，喺下午三時許一同乘搭漢奸黎司機駕駛嘅七人車離開。李永達、林卓廷、黃浩銘、李卓人於七人車抵達旺角警署後自行離開，而喺車上已冇戴口罩嘅李漢奸，就同AV仁繼續乘七人車離去。
查實漢奸黎喺今個月初、新冠肺炎襲港下已經肆無忌憚咁戴住口罩都要同屋企人去尖沙咀嘆日本菜，之後亦都曾到潮州菜館大快朵頤，再離港外出，依家佢又再喺自己嘅寓所攪局見人，唔通佢真係唔怕中招感染病毒？
卓妮