依家「一罩難求」，有相關嘅組織話好多清潔工不停重用口罩，甚至冇戴口罩開工，但唔戴口罩開工就被要求停工，咁即係一來飯碗不保，二來少咗清潔工做嘢，啲地方就會污糟，更加會孳生病菌，呼籲勞工處、食環署同物業管理「特事特辦」，唔好留難或處分冇口罩嘅從業員。講到尾，因為政府辦事不力，先搞到口罩短缺，所以勞工處處長陳嘉信同食環署署長劉利群有責任嘅，唔可以淨係責罰冇口罩嘅清潔工，否則兩名官員就係播毒嘅幫兇。
