過往唔少大學校長都鬧爆政府喺科研嘅投資太少，而政府近年話大力推動科研，實質本地科研開支佔本地生產總值嘅比率好低，一八年只有百分之零點八六，同政府曾定下喺二○二二年提升科研開支比率相差約一半，但創新及科技局局長楊偉雄就話若政府訂立嘅目標太低就對唔住自己同香港喎。香港依家科研係大落後，楊偉雄要負好大責任，仲喺度死雞撐飯蓋，佢係咪仲唔知衰呀？
