政情：王庭聰幫員工訂八萬個口罩

王庭聰本身經營針織品行業，佢喺上年十二月嗰陣就喺印尼、菲律賓同內地訂咗八萬個口罩，本來諗住派畀員工預防流感高峰。佢話喺內地嘅工廠最快都要本月九日先可以再開工，而喺香港公司嘅員工如果啱啱返過內地，都要自我隔離十四日唔使返工。

盡量安排在家工作

為咗減低感染病菌嘅風險，佢亦會盡量畀員工在家工作，如果真係要返公司，都會畀佢哋以彈性時間返工，避過上下班人流高峰期，唔使同其他人逼電梯同交通工具。

至於遲吓會見政府官員，就新一年度財政預算案提出建議，佢話到時定必戴番個口罩，始終有人嘅地方就要保護自己，仲話自己好勤於洗手添！