中環出更：結婚唔夠兩年 李漢奸兒子與莎莎太子女離婚
被內地官媒炮轟為「叛國禍港四人幫」之一、有「李漢奸」之稱嘅民主黨（白鴿黨）創黨主席李柱銘，其子李祖詒喺二○一八年六月同莎莎國際控股主席郭少明女兒郭詩雅結婚，兩人結婚唔夠兩年，尋日突然宣布離婚！
郭詩雅喺社交網發表聲明：「懷著（着）婉（惋）惜的心情宣佈（布），我倆經長時間考慮後，正式結束婚姻關係。我們曾經携（攜）手度過不少美好的時光，但由於雙方性格上的差異，我們在和平的氣氛下作出此艱難的決定。希望各位給予我們私人空間，讓各自展開新的生活。」意即李祖詒同郭詩雅嘅婚姻玩完。
兩父子與漢奸黎關係密切
李漢奸父子同有「漢奸黎」之稱嘅壹傳媒黎智英關係非比尋常，漢奸黎、李漢奸更同被內地官媒炮轟為「叛國禍港四人幫」，漢奸黎更係「叛國禍港四人幫」之首，李祖詒亦同漢奸黎關係密切。話說喺一四年八月底，漢奸黎被廉署人員上門調查時，急召四名律師到其寓所「監場」，其中一人就係身兼執業大律師嘅李祖詒。
卓妮