受到反修例示威重創本港經濟，預料農曆新年後會出現倒閉潮同失業潮，依家再加上武漢肺炎，更令情況加劇。勞工及福利局局長羅致光話失業率上升已無懸念，但有信心唔會達到○三年沙士後嘅水平，即係百分之八點六，又相信政府只要做好防疫工作，疫情後嘅經濟復甦速度會較快。老實講，班問責高官成日話冇水晶球，事先預測唔到，唔通羅致光有水晶球？單憑依家經濟基礎較○三年好就夠，當年冇反修例風波喎，佢係咪噏得就噏呀？
