女司機分岔路急煞 遭瘋狂「問候」
【本報訊】司機行錯路不時發生，切忌冒險轉線。昨晨有司機就遇上一名失魂女司機，對方在分岔路段疑因行錯路急停，險與隨後而至的事主座駕相撞，更因此招來事主瘋狂爆粗，不過離奇的卻贏得網民讚賞，直指「鬧得好」。
事主Kelvin Kwok事後將片段上載於Facebook群組「小心駕駛（討論別人駕駛態度）」，更在貼文稱「晨早流流搞啲咁嘅嘢！行錯路咪行錯囉，你都係坐車啦，你揸車會害×死好多人」，當中更標明對方是女司機。片段開始，事主隨一架銀色私家車向貨櫃碼頭方向行駛，惟至分岔路時，私家車突然急停，隨後的事主惟有隨之急煞及扭軚閃避。事後事主顯得頗為憤怒，向對方爆粗一輪後才開車離去。
網民撐尾隨車主鬧得好
雖然女司機慘遭「問候」，卻得不到網民的同情，「行錯路咪行錯路囉，當遊車河，香港咁細點都去到目的地」、「呢啲真係正宗害人嘅×街」，更建議事主1823投訴，「此類車手，要罰吓錢才懂得安全」。