政情：抗疫至上 財委會取消會議

日前有唔少議員去信要求取消會議，波哥就話諮詢過議員、考慮各項因素，加上有專家話未來十四日係抗疫關鍵，建議市民應盡量留喺屋企，所以決定取消會議。但目前財委會大塞車，佢都話有逾千億撥款未審議，所以為咗追番進度，計劃會喺其中一個星期六或日補番今日嘅會議。另外，仲打算喺六月同七月加開至少十四小時嘅會議添！

房委會都改期開會

唔單止財委會取消會議，嚟緊下星期立法會都有唔少事務委員會要開會，其中喺下星期一開會嘅房屋事務委員會，委員會主席柯創盛就話同秘書處、副主席尹兆堅商討過後，亦因為疫情而決定將會議改期進行。