小妮與姐姐小琳晚上閒聊，小妮說：「今日天氣凍凍哋，等我即刻沖番個舒服又『暖笠笠』嘅熱水涼先！」小琳回答：「熱水涼當然好舒服，不過，聽講冬天沖涼對溫差的感受較強烈，令到身體血壓都會改變，而血壓忽然高升，有機會誘發心腦血管疾病風險。」
小妮說：「我都有聽過，因為低溫環境下會令人體血管收縮，使血壓上升，增加對血管和心臟的負荷。尤其是長者或本身有心腦血管疾病的人士，更衣時要多加注意溫差問題。」小琳回答：「除咗更衣外，沖涼後出浴的時候我哋都好大機會感受到溫差而影響身體。因為沖涼期間，血管因熱水而擴張及舒張，血壓會降低，一旦沖完涼後即刻去到較冷的地方，環境溫差大會令血管收縮，血壓便會飆升，容易誘發中風。」
小妮繼續解釋：「為避免沖涼前後身體感受太大溫差，可以考慮在浴室內安裝暖風機或暖爐，保持浴室裏面氣溫有一定溫暖。另一方面，沖涼的水溫不適宜過高，比體溫略高就可以。沖完涼後，應立刻抹乾身體表面水分和穿回衣服。」
小琳又補充：「我仲知道，沖涼時好容易令浴室充滿水蒸氣，所以應該稍微打開窗戶或開抽氣扇以保持浴室的空氣流通，又無咁潮濕，唔係嘅話，到我沖嗰陣就好易滑倒，仲危險喎。」小妮答道︰「知道啦，咁我去沖涼先啦！」
職業安全健康局
www.oshc.org.hk