政情：李家仁全副武裝開工 祝自己百毒不侵

武漢肺炎疫情加劇，大部分市民出街都戴上口罩自保，市面亦出現口罩搶購潮。有「兒歌醫生」之稱嘅李家仁尋日喺社交平台上載一幅戴上口罩同面罩等防護裝備嘅相片，仲特意寫上「開工大吉，百毒不侵」嘅字句，提醒自己同其他人新一年要注意個人健康。有網民留言祝李健康、平安同新春快樂，有網民就話都想要一套，亦都有網民叫佢首先要好好保護自己。咁都啱嘅，做醫生最基本條件就係要照顧好自己，先可以妙手仁心，令病人康復。