武漢肺炎疫情肆虐，醫院管理局日前話非港人治療唔收費，點知政府尋日就話因時制宜要收費，簡直摑咗醫管局一巴。政府話收費係以免內地人湧港治病，但班官好似失憶咁，唔記得曾有武漢人因公立醫院收費貴而逃離醫院，對公院嚟講，收唔收錢都死，依家政府話收錢，醫管局主席范鴻齡真係好頭痕，使唔使組織一隊特別小組去阻截內地疑似肺炎病者逃走呢？
