中環出更：離島區會平穩 余漢坤呻政府唔關注

建制派主導下嘅區議會，一向較為平穩，好少有乜異常情況。作為今屆唯一建制派主導嘅離島區，主席余漢坤就話，離島區同政府之間嘅關係同以往差唔多，但政府就比較需要「忙」其他區議會啦。佢咁講，擺明就係話離島區冇乜出事，所以政府唔關注當區啦！

話新舊人仍需磨合

余仲話，雖然會議期間唔同派別嘅議員都會進行激烈討論，有啲議題亦傾咗好耐，但每次完會前都出到結果。另外，佢話有啲新人對部分規程、議題都有疑問，但只要年資較長嘅議員作出解釋，新人亦會欣然接受，仲話無論係新人同舊人之間，定建制同泛民之間都需要時間磨合，而落到民生項目，大家始終要同市民交代，所以相信雙方以後亦都可以繼續合作。

美已經唔係女士專利，公司亦多咗好多男性顧客幫襯。

卓妮