武漢肺炎疫情擴散，但香港「一罩難求」。食物及衞生局局長陳肇始被問到會唔會呼籲全民戴口罩，佢都只係話如果市民覺得唔安全，當然可以戴口罩作保護，但目前要先提高口罩供應量，而今個禮拜會有一批口罩到港。點解陳肇始唔敢講實叫市民戴口罩？事關佢都未能提供足夠嘅口罩畀市民，政府同市民一樣周圍撲。搞成咁，咪又係做官嘅後知後覺囉！
