中環出更：何君堯「啤腸發財」 暗寸毛孟靜崇洋
立法會議員何君堯因早前喺財務委員會會議上，指議員毛孟靜「食慣洋腸」，毛批評何嘅言論令佢感到性騷擾同性別歧視，畀佢動議譴責。就算孭住個譴責動議，何仲唔識驚，日前仲喺Facebook（Fb）貼文，再暗寸毛崇洋同食洋腸，唔知會唔會又引起另一波風浪喇！
去外國玩 影住啤酒同腸
何君堯新年去咗外國玩，日前Fb上載咗張相，影住一杯啤酒同一條香腸。新年梗係要講聲恭喜發財喇，佢就講成「啤腸發財」，再加多句「對某些崇洋人士來說，他們很介意你請他們飲啤酒和吃洋腸的！那就倒不如同他們說聲恭喜發財吧！」哇！好難令人唔聯想起佢係寸緊毛孟靜o架喎。
網民紛紛留言，有網民就叫何唔好食洋腸喇，要留番畀毛孟靜食。又有人話對於某啲崇洋嘅女士，如果你話佢鍾意食洋腸，佢就只會諗到污糟嘢，但亦有網民寸何君堯，話「我地（哋）武漢同胞處於水深火熱之中，你居然喺到（度）食洋腸？」
卓妮