二合一再創新猷 電子報凌厲登場

得一失一,例子最多。大家知道刺蝟只有刺,冇皮毛,寒天互相依偎取暖,便有「兩難」。一種說法:我們靠在一起,雖然不冷了,卻會刺痛;不靠在一起,雖然不痛,卻很冷。另一種說法:我們靠在一起,雖然有點痛,卻不冷了;不靠在一起,雖然有點冷,卻不痛了。之不過,世事無絕對,只有真情趣,魚與熊掌,原來可以兼得!

呢,功夫茶講緊向來以讀者為先、緊貼全球脈動嘅《on.cc東網》邁入新紀元,又有精彩正嘢同讀者分享喇!東網APP將與東網電子刊物APP二合一,讀者只要一個東網APP在手,就可以快靚正咁盡情瀏覽原汁原味嘅《東方日報電子報》,若然閣下晨早歎早餐,一杯在手,茶香啡濃,手指指左撥撥右篤篤,一頁一頁揭開《東方日報電子報》,包你眼前一亮,醒神無比,輕鬆愉快盡享傳統閱報樂趣!

各位街坊,請聽功夫茶細說從頭。早喺○二年二月八日正式面世嘅《東方日報電子報》,打破傳統報紙嘅地域局限,將全份報章原貌以網頁形式上載互聯網,方便全球讀者可於網上隨意翻閱,有如手握印刷版報章,保留傳統閱報樂趣,尤其遠在海外嘅華人讀者,「上東網,知天下」,一秒通全球華人,個個都話正!

東網力臻完美,無時無刻不以讀者為重,一直追求更上層樓,精益求精。嗱,家陣兩APP合併更方便讀者,犀利咯,電子報連解像度亦作出調整,較以往提升百分之一百七十!登登登,即係影像凌厲,目不暇給!除咗世界及香港大事更加傳神,娛樂版之靚女明星事業線呼之欲出,全部好似喺你面前咁,不得了!

其餘版面,譬如副刊之旅遊風景寫真、美食佳餚圖,讀者恍如置身其中,何其賞心樂事!此外,文字清晰度提高,版面比過往放得更大,睇得更清楚更舒服,所有資訊一覽無遺。每日香港時間凌晨三點向全球發放更新版本,記住啦,已安裝東網APP嘅讀者,瀏覽時只需按進左上角嘅隱藏Menu bar,就可以搵到「電子報」按鈕!未下載東網APP嘅讀者,梗係要速速下載咪執輸啦!

再講吓威水史:東網電子刊物APP嘅總下載量高達一百九十六萬,東網電子刊物嘅全球瀏覽量每月超過六千萬,傲視同儕。所以話,有麝自然香,東方報業集團卓立於本港傳媒界,靠的是不譁眾取寵,靠的是堅持為民發聲、快人一步嘅求真精神!正所謂,有東方,冇窮人,新年點可以唔睇東網啊。功夫茶在此鞠躬致謝讀者支持,仝人當更不懈奮發為大家服務!