政情：公民講場：豬肉貴 樓價驚人 陳茂波何時紓困

市民喺過去一年面對唔少困境，睇吓消委會主辦嘅「豬年十大消費新聞選舉」嘅結果就知，排首位嘅係內地豬肉價格創五十年新高，第二位係本港連續九年成為全球樓價最難負擔城市嘅新聞。老實講，唔單止食貴肉，捱貴樓，反修例風波更打殘咗香港經濟，再加埋近日嘅武漢肺炎，旅客肯定進一步大跌，預料倒閉潮同失業潮會好快出現，喺呢個咁嚴峻嘅時刻，財爺陳茂波唔可以再撳住荷包，否則深層次問題解決唔到，到頭來民怨更深。