政情：公民講場：海洋公園「生意失敗」 政府填氹搵市民笨

政府早前建議注資逾一百億元畀海洋公園，部分係攞嚟還債，餘下款額用嚟擴建。仲記得商務及經濟發展局局長邱騰華當日喺記者會強調注資係值得，仲話會否極泰來，但班立法會議員唔係咁睇，有建制派議員大鬧公園係一盤失敗嘅生意，政府注資只係填氹，有民主派議員亦認同係會變成無底深潭，簡直摑到邱騰華應一應。老實講，有數得計，唔係政府話值得就值得，睇怕政府要立法會批呢筆錢都唔容易。