政府推出新一輪共十項民生紓困措施，其中包括向輪候公屋超過三年嘅非綜援家庭提供現金津貼，但唔包括非長者單身人士，意味單身嘅年輕人未能受惠。運輸及房屋局局長陳帆尋日喺電台節目上否認做法係要「懲罰年輕人」，指好多年輕人都同家人同住，本身已經「有瓦遮頭」，只係大個之後想擁有自己嘅「小天地」啫。雖然唔應該鼓勵年輕人咁後生就申請公屋，但亦唔能夠排除真係有公屋需要嘅人，如租緊劏房嘅單身年輕人就未能受惠喇！
