受到反修例激烈衝突嘅影響，遊客急劇下降，連帶主題公園亦出現嚴重嘅虧損。商務及經濟發展局局長邱騰華尋日宣布注資逾百億元畀海洋公園救亡嘞！老實講，唔單止海洋公園負債纍纍，就連香港迪士尼樂園都蝕錢，咪話咁多年嚟從未獲樂園分紅，反而政府一直「泵水」去擴建，有立法會議員曾經批評政府係捉老鼠入米缸，搞到逐啲被陰乾，而喺咁差嘅經濟環境下，睇嚟邱騰華要不停咁填氹，唔知要填到何年何月？
