政情：八網難逃：齊坐早機 黃梓謙撞正方力申
前幾日，兒童事務委員會及平等機會委員會委員黃梓謙（Gary）喺社交平台上載，同旅遊發展局新任委員方力申（Alex）喺香港國際機場嘅合照，仲附言「大家都咁早呀！」相中兩人仲笑得好開心，莫非兩人扮偶遇，實情係約埋去旅行？
原來唔係喎，我哋問番Gary，佢話當日只不過係大家都坐早班機，所以咁啱撞到，並唔係約埋去旅行。Gary話當日要去越南峴港參加公司活動，主要同管理層回顧過去一年嘅工作成效，為新一年做準備，而Alex就真係同屋企人去日本旅行啦！
兩人皆投身體育慈善多年
其實佢哋不嬲都好friend嘅，Gary係凝動香港體育基金嘅創辦人，而Alex就係基金嘅大使，多年嚟兩人都投身體育慈善，關注基層兒童同青少年嘅發展，亦都好鍾意做運動添！