新一份財政預算案下個月底出爐，財政司司長陳茂波（波叔）尋日喺網誌回應有評論指政府財政儲備豐厚，有能力「大開水喉」，佢就話相信大家都唔願意睇到政府帳目持續地出現大規模「入不敷支」嘅情況。老實講，呢排好多政黨就預算案提建議，有部分都建議政府派錢或者消費券，波叔咁講擺明又係想壓低期望，撳住荷包喇！之但係依家基層市民喺水深火熱之中，波叔係咪應該要顧住市民先呀！
