政情:懲教署百年慶典 「一門三傑」齊到賀

懲教署為慶祝踏入一百周年,尋日喺中環大館舉行慶祝活動兼嘉年華,紀律部隊一門三傑,即警務處處長鄧炳強、海關關長鄧以海同入境處處長曾國衞亦有嚟恭賀懲教署署長胡英明,認真畀面。

今次活動以「懲教一百載 智慧創未來」為題,香港嘅監獄制度早喺一八四一年創立,由當時嘅香港總裁判官同時負責管理警隊同監獄,而當時香港只有一所中央監獄,即域多利監獄。直至一九二○年,域多利監獄脫離警隊,改由獨立部門監獄署管理,其後於一九八二年易名為懲教署。唔怪得警隊同懲教署咁有淵源啦!

第一手消息請下載on.cc東網iPhone/iPad/Android/Windows Phone Apps