私家車後褪撼的士 的哥未響按惹疑
【本報訊】以為職業司機在馬路上反應一定敏捷，其實大錯特錯。近日有私家車在小路內，疑因路面兩邊都泊滿車輛，於是貪快選擇「倒車」駛出路口，卻不慎撞及尾隨的士。不過的士司機「零反應」的舉動，卻惹來網民猜測，質疑是否唔響按「博撞」。
事發在上周三（8日）晚上近十一時，地點是銅鑼灣蓮花宮西街。從網民在Facebook群組「小心駕駛（討論別人駕駛態度）」上載車Cam片所見，一架私家車正打着「死火燈」在掘頭路褪後，期間一架的士準備駛入小路，於是停車等候。惟當私家車一直緩緩後退近兩個車位，突然「砰」一聲，撞到的士車頭，當時的士女乘客亦被嚇得大叫，無奈地向的士司機表示，「算啦！喺度落車啦」，而私家車司機亦落車了解情況。
網民：響咗就冇錢收
雖然私家車後退唔睇路行徑惹網民不滿，質疑：「盲的嗎？」惟網民同時發現私家車後退時，的士司機卻零反應，質疑的士司機「點解唔響按？」不過隨即有人回應：「響咗就冇錢收」，「的士佬淡淡定，收完$48，再收$4800。」笑言的士司機才是「高手」。