香港安老政策一直被狠批不足同埋落後，舊年年中社會福利署先建議增加安老院舍人均面積由七點五平方米提升至九點五平方米。聽落好似都叫做有進步嘅，之不過，呢個建議設有八年過渡期，就算政府依家決定落實呢項建議，都要等到二○二八年先可以全面落實，真係大大落後於全世界。查實現時法定安老院舍人均最低面積喺九六年訂立，等同苦等三十年先提升到兩平方米，若然勞工及福利局局長羅致光繼續大歎慢板的話，班老人家唔知要再等多幾多年先可活得有尊嚴。
