的士業面對內憂外患，先係Uber等加入市場後，令到生意減少，再加上司機人手不足，簡直變得雪上加霜，點知政府仲話要引入專營的士，業界反對之餘仲炮轟政府趁病攞佢哋命。老實講，政府唔想處理Uber嘅問題，但又話要市民揀優質服務，於是話要引入專營的士，咁等如夾擊的士業，無疑係挑起火頭，業界唔嬲先奇，運輸及房屋局局長陳帆係咪嫌依家社會仲唔夠亂，咁搞法簡直係添煩添亂，令業界同政府企喺對立面啫！
