政情：公民講場：防疫慢半拍陳肇始發瘟

湖北武漢近日爆發廿七宗不明病毒性肺炎個案，台灣同澳門日前已加強邊境防疫，但港府卻「慢半拍」，一直都無公布邊境防疫嘅具體措施，加上屯門醫院尋日亦確認接收一宗曾經到過武漢嘅疑似肺炎求診個案，令人擔憂香港有機會爆發不明「沙士」，甚至重演二○○三年「沙士」在港肆虐嘅慘況。有立法會議員批評港府無能，尤其係食物及衞生局局長陳肇始，遲遲未有對外公布將會推行邊啲具體邊境防疫措施，議員更提出一系列建議，希望港府快啲落實全面加強邊境防疫嘅安排。直到尋晚，陳肇始先出嚟公布將會加強港口健康監察，每月（手豆）幾十萬元人工真係易賺！