政情：公民講場：百物騰貴 補貼小恩小惠 預算案紓困 財爺要諗計

受到反修例衝突打擊下，經濟重創，好多打工仔飯碗不保，生活拮据，雖然財爺陳茂波（波叔）喺今日起推出多項紓困措施，例如代繳公屋租金一個月同電費津貼及交通補貼等，但係電費津貼只可抵銷兩電加價，津貼等如冇落市民個袋，難怪基層市民更加怒火中燒，有團體更加要求波叔喺二月底公布新一份財政預算案，可以幫多啲市民。老實講波叔之前推出嘅紓困措施已被炮轟小恩小惠，肯定要喺新預算案要加碼畀多啲福利，縱使係財赤都唔係藉口，冇得卸膊。