政情：公民講場：流感高峰殺到埋身 陳肇始咪再倒瀉籮蟹

喺過去一個禮拜，公立醫院已經逼爆，面對冬季流感高峰期就嚟殺到，又係對公院嘅病床同醫護人手嘅一個重大考驗。話說食物及衞生局局長陳肇始同醫管局早前都不斷呼籲小朋友同高危嘅老友記快啲打流感疫苗，又話醫管局已有一套應對流感高峰期嘅一系列措施，之但係陳肇始同醫管局年年都係咁講，最後都係重蹈覆轍，唔該陳肇始打醒十二分精神，咪再倒瀉籮蟹，事關病人得唔到適切嘅治療，最後又會鬧爆佢。