政情：公民講場：新界西交通規劃差劣 區會要篤住陳帆做嘢

新界西交通配套差遭詬病，屯門同元朗一班區議員同候任區議員尋日聯署去信運輸及房屋局局長陳帆，鬧爆規劃差，區內居民只能倚賴鐵路出入並唔妥當，促請政府重新審視以鐵路為骨幹嘅交通運輸政策，仲話兩個區議會會成立聯合工作小組，研究解決交通問題方法。咁即係話要篤住陳帆做嘢，唔畀佢側側膊，睇嚟佢點都要諗諗計回應班區議員，否則有排難受。