政情：公民講場：暴徒四圍拆 政府冇晒符 蔣麗芸：學印度充公財產

反修例示威衝突沒完沒了，示威者四處破壞，唔止掘磚、拆路牌用嚟作路障，甚至打爛交通燈、喺港鐵站縱火，仲破壞商舖同櫃員機等設施。最近有報道就話印度地方政府充公參與刑事毀壞同暴力行為嘅示威者財產，以便追討佢哋破壞公共或私人財產所造成損失嘅費用。立法會議員蔣麗芸（Ann）就喺社交平台轉發有關報道，仲話印度向破壞公共設施者徵收罰款或充公財產，香港政府都應該倣效咁話。政府一直被轟無力止暴制亂，唔通真係要好似Ann咁講啲示威者先識驚，先至可以平息暴亂？