「整好都冇得用」商戶居民叫苦
【本報訊】運頭塘邨停鹹水七天，居屋商戶叫苦連天！是次停鹹水爭拗拖累邨內商場數十個商戶受到牽連，有酒樓負責人指，因衞生問題，且接駁淡水喉沖廁，否則，根本無法營業；有居民則對維修費爭拗而不能使用鹹水感到無奈，狠批事件令居民生活受影響，且浪費食水。
酒樓焗駁食水喉沖廁
邨內商場的酒樓負責人陳先生指，由於未知何時恢復供應鹹水，加上酒樓的人流量較大，容易出現衞生問題，只好接駁淡水喉沖廁所，否則，連開業亦成問題。另有麵包店職員指，停水期間雖然可以使用商場廁所，但需要使用水桶來倒食水沖廁，十分不方便。
運頭塘邨租戶韓女士談起停鹹水即面有難色，「梗係唔方便啦，冇廁所水」，她說鹹水喉維修後突然又關掉，「有屋苑唔夾錢（維修）就唔開」，對於因維修費爭議而再度停水，她感到十分無奈，「整好都冇得用，開一開畀我哋又閂番！」直至「傾掂數」後鹹水才供應正常。她認為，停鹹水令邨內長者如廁十分不便，「整水喉過去馬桶又會搞到地下濕晒」，積水易令長者絆倒，又指「搬水桶搬到腰痠背痛」。
運頭塘邨居民黃婆婆指，即使不滿停水七天亦「冇佢符」，停水期間只好用淡水沖廁，「唔係點啫」，用食水沖廁「梗係嘥啦」。運頭塘邨業主羅先生指維修費爭拗令鹹水長時間未能供應是擾民，亦浪費食水。