政情：公民講場：陳帆自我感覺良好「優質」的士隨時冇人吼

為推行優質的士服務，政府打算引入六百架專營的士，建議起錶收費三十六元，貴過現有的士接近五成。競爭事務委員會向立法會相關法案委員會提交意見書，直斥政府對的士過度規管，搞到的士服務缺乏競爭，最後就導致的士服務滿足唔到社會要求。競委會仲質疑政府推出嘅專營的士只得嗰六百架，對整體市場影響有限，加上專營的士起錶價高過現有的士咁多，政府似係刻意減少兩者競爭，認為消費者本來可用同樣價錢獲優質服務，但政府就強制設定更高車費，批評政府咁做係唔符合公眾利益。社會上一直不滿嘅咪正正就係政府過度保護某啲行業囉，只係當局聽唔入耳。如果運輸及房屋局局長陳帆仍然自我感覺良好，繼續推行貴價優質的士，分分鐘令呢批的士冇人吼喇。