政府喺去年嘅施政報告公布已完成法定產假檢討，建議將法定產假由現時十周增加至十四周。勞工及福利局局長羅致光尋日就話，政府將會就相關條例草案刊憲，下月就會提交立法會首讀同二讀，目標係喺立法會明年七月中暑假休會前通過，呢個就係修例嘅「預產期」。不過羅又話，依家立法會內務委員會「停擺」，所有立法啟動同完結程序都被「凍結」，有關法例修訂面臨「流產」嘅危機。「流產」呢啲字眼對一眾準媽媽嚟講認真唔吉利，羅IQ咁高，講嘢就唔識忌諱，真係要掌佢嘴喇。
