政情：劉彥樑涼茶舖喻童軍 有傳統亦要革新

當然童軍總會唔會賣涼茶喇！其實劉彥樑係用呢個比喻展現出香港童軍運動需要不斷革新，以迎合年輕人嘅發展同社會變化，但同時要堅守傳統，保持童軍規律同誓詞、小隊制度、自治自務同埋服務社群嘅核心價值啫！

工作進修並重 上月接任總監

點改革先？佢話必要先了解青少年嘅需要，例如時下流行電競，就可以建立電競平台，藉此推廣童軍運動同服務社群嘅正面訊息，仲話前線領袖可以舉辦多元化嘅活動，切合青少年嘅需要。

劉彥樑喺十一月接替吳亞明出任總會香港總監。佢喺中學畢業後入職銀行界，由基層做起，亦好積極參與童軍運動，但亦重視進修，回憶年輕時，佢笑言每個星期，有三晚喺大學進修，兩晚就喺覺士道（香港童軍總會舊址）工作。