立法會工務小組尋日審議渠務署新辦公大樓，呢座樓高二十一層嘅新大樓造價要二十一億六千萬元，有議員就質疑造價過高，仲即場話咪變相一層需要一億元。雖然發展局否認興建成本過高，但係班議員咁大反應，事關使緊嘅係納稅人嘅錢。老實講，以前都試過有啲工程項目造價太高被打回頭，要再交個「減磅」嘅方法，所以發展局局長黃偉綸最好就畀多啲資料，解釋清楚點解大樓要用咁多錢，否則隨時有機會被打回頭，咁就費時失事嘞！
