因為教市民捉老鼠，立法會議員梁美芬多咗個花名叫「鼠王芬」，但佢話依家鼠患嚴重，應該要「鼠王始」幫手滅鼠。點解咁講？事關佢大鬧食物及衞生局局長陳肇始唔落區巡視，仲要淨係整治幾個區，搞到啲老鼠從一個區「走佬」到另一個區，根本冇解決問題，應該十八區一齊處理，每個區都出「鼠王」先得。佢仲話食衞局職員人工咁高，唔好諗住「卸膊」畀區議員，區議員冇咁多錢幫你做呀！
